21 августа Православная Церковь празднует явление Толгской иконы Пресвятой Богородицы

Толгская икона Пресвятой Богородицы явилась 8 (21 по новому стилю) августа 1314 года Ростовскому святителю Прохору (в схиме Трифону). Объезжая епархию, он остановился на ночлег в семи верстах от Ярославля, на правом берегу Волги напротив впадения в нее реки Толги. В полночь, когда все спали, святитель проснулся и увидел яркий свет, озарявший окрестность. Свет исходил от огненного столпа на другом берегу реки, к которому протянулся мост. Взяв жезл, святитель перешел на другой берег и, приблизившись к огненному столпу, увидел в нем икону Пресвятой Богородицы, стоявшую на воздухе. Пораженный видением, святитель долго молился и, когда возвращался обратно, забыл взять свой жезл.

На другой день посланные за жезлом слуги вернулись с известием, что увидели в лесу между деревьями икону Матери Божией, а рядом епископский жезл. Святитель немедленно переправился вместе со всеми людьми на тот берег и узнал явившуюся ему икону.

После горячей молитвы перед иконой на том месте расчистили лес и заложили церковь. Как только об этом узнали жители Ярославля, они прибыли на указанное место. К полудню церковь уже построили, а вечером святитель освятил ее в честь Введения во храм Пресвятой Богородицы, перенес туда икону и установил празднование в день ее явления. Позже святитель Прохор устроил при этой церкви Толгский монастырь. 

Тропарь Божией Матери пред иконой Ее Толгская, глас 4:

Днесь светло сияет на Толге/ образ Твой, Пречистая Дево Богородице,/ и, яко солнце незаходимое,/ всегда верным подадеся,/ Егоже видев на воздусе,/ невидимо Ангелы, яко никим, держима,/ преосвященный епископ града Ростова Трифон/ тече ко явленному светящемуся столпу огненну,/ и по водам, яко по суху, прейде, и моляшеся Ти верно о пастве и о людех./ И мы, к Тебе притекающе, зовем:/ Пресвятая Дево Богородице,/ верно Тя славящих спасай,/ страну нашу, архиереев/ и вся Российския народы от всех бед избавляй/ по велицей Твоей милости.

Кондак Божией Матери пред иконой Ее Толгская, глас 8:

Чудное и богоприятное светоноснаго зрака Твоего явление, Пречистая Дево,/ с верою взирающим бывает известное чаяние спасения,/ столпом бо огненным являющи предстательство,/ неусыпное и теплое за ны к Богу возсылаеши моление,/ имже страну Российскую от всяких бед избави, молимся,/ да радостными усты вопием Ти вси:/ радуйся, Предводительнице вечнаго блаженства.

Молитва ко Пресвятой Богородице пред иконою Ее Толгская:

О Пресвятая Госпоже, Дево Богородице, вышшая Херувимов и Серафимов и святейшая всех святых! Ты, Всеблагая, на Толге икону Твою многоцелебную блаженному святителю Трифону огневидно явити благоволила еси, и ею многая и неизреченная чудеса соделала еси, и ныне содеваеши, по Твоему неизреченному к нам милосердию. Тебе пред пречистым образом Твоим припадаем и молимся, Преблагословенная рода нашего Заступнице: в странствии сем земнем, многоскорбнем и многомятежнем, не лиши нас Твоего заступления и покрова державнаго. Спаси и защити нас, Владычице, от разжженных стрел лукаваго врага спасения нашего. Укрепи немощную волю нашу к деланию заповедей Христовых, умягчи окаменелая сердца наша любовию к Богу и ближним нашим, даруй нам сокрушение сердечное и покаяние истинное, да, очистившеся от скверны греховныя, возможем принести Творцу благоугодныя Ему плоды добрых дел и сподобитися мирныя христианския кончины и ответа праваго на страшнем и нелицеприятнем Суде Его. Ей, Госпоже Всемилостивая! В час грозный смертный наипаче яви нам Твое многомощное заступление, ускори тогда на помощь к нам, безпомощным, и державною рукою Твоею исхити нас из власти лютаго миродержца, ибо воистину много может молитва Твоя пред лицем Господа, и ничтоже невозможно ходатайству Твоему, аще токмо восхощеши. Темже, на святый образ Твой умиленно взирающе и пред ним, яко живей Ти сущей с нами, покланяющеся, с упованием благим сами себе, и друг друга, и весь живот наш Тебе по Бозе молитвенно предаем и Тя величаем с рождшимся от Тебе Спасителем нашим, Господом Иисусом Христом, Емуже, со Безначальным Его Отцем и Пресвятым Духом, подобает всякая слава, честь и поклонение, ныне и присно и во веки веков. Аминь.